Ur glañvdiourez lazhet er Salvador : testeni he zud [Une infirmière tuée au Salvador : témoignage de ses parents]

06 mai 1989
01m 56s
Réf. 00541

Notice

Résumé :

Pennad-kaoz gant kerent Madeleine Lagadec, klañvdiourez yaouank, a oa bet lazhet er Salvador. [Madeleine Lagadec, jeune infirmière bretonne, a été tuée en mission au Salvador. Ses parents témoignent sur son engagement et sa volonté de toujours aider les autres. Partie au départ pour quelques mois, elle avait décidé depuis peu de rester là-bas.]

Date de diffusion :
06 mai 1989
Source :
FR3 (Collection: An taol lagad )
Langue :
Breton

Éclairage

Madalen Lagadeg, klañvourez a vicher, seiz bloaz war'n ugent dezi, ginidig a Wipavaz, a zo bet lazet d'ar 15 a viz ebrel 1989. Greet he-doa he zoñj mond da zikour tud Amerika ar hreiz hag e 1983 e oa eet d'an Nikaragwa ha goude-ze d'ar Salvador. Brezel diabarz zo ha Madalen a ya da heul tud ar FMLN (Front Farabundo Marti de Libération Nationale) a stourm a-eneb an arme a zo e penn ar Stad. Goulenn a ra beza kaset d'eun ospital diwar ar mêz, renet gand ar FMLN. Eno eo e vo lazet epad ma oa oh ober he labour, da heul eur vombezadeg gand bagadou-stourm deuz an tu dehou pella. Pevar den all, medisined pe glañvourien evelti, a vo lazet ivez. Setu aze d'an nebeuta ar pez a vo kontet d'he famill. Ar wirionez siwaz n'eo ket ken splann.

Trumm goude he maro ez a c'hoarezed Madalen d'ar Salvador evid lakaad ar horf maro da zistrei da Vreiz. En em gavet e Brest, e voe digoret ar horv ha, diwar-ze, e voe lakeet war wel e oa bet mahagnet Madalen araog beza drouglazet. Ar famill ha mignoned dezi a glask neuze lakaad ar re gabluz da veza kaondanet. Bloaz goude, eur medesin deuz ar Beljik a lavar fraez ez eo bet merzeriet Madalen. Komañs a ra neuze ur stourm hir ha kaled war dachenn ar justis.

A-benn-ar-fin, d'ar 27 a viz meurz 2009, barnerien lez-varn Roazon a zidamall ar pevar ofiser euz ar Salvador e oa bet tamallet dezo beza bet mahagnet ha drouglazet Madalen Lagadeg. Setu aze fin eur stourm a ugent vloaz evid ar famill. Evid ma vefe barnet en-dro an ofiserien e rank tud gouarnamant nevez ar Salvador goulenn ma vefent barnet.

Marie-Françoise Keramprant – CRBC - UBO / UBE Brest

Un nebeud levrioù

Steven Le Roy, "Assassinat au Salvador. Non-lieu devant la cour d'appel", Le Télégramme, 28 mars 2009.

Michel Tanneau, "Madeleine Lagadec : l'épilogue, vingt ans après", Ouest-France, 28 mars 2009.

Version française

Madeleine Lagadec, infirmière de 27 ans originaire de Guipavas, a été tuée le 15 avril 1989. En 1983 elle avait rejoint le Nicaragua avec l'objectif d'aider les populations d'Amérique Centrale. Puis elle se rend au Salvador. Là-bas, c'est la guerre civile et Madeleine s'engage auprès des guérilleros du FMLN (Front Farabundo Marti de Libération Nationale), opposants à la junte militaire au pouvoir. A sa demande, elle est transférée dans un hôpital de campagne dirigé par le FMLN. Elle sera tuée dans l'exercice de ses fonctions lors d'un bombardement orchestré par un commando d'extrême droite ; quatre autres personnes de l'équipe soignante trouveront également la mort. Ce sont là les informations que la famille recevra, la vérité malheureusement semble différente.

Immédiatement après la mort de Madeleine, ses sœurs s'envolent pour le Salvador afin de rapatrier le corps. Les conclusions de l'autopsie pratiquée à Brest à l'arrivée du corps mettront en évidence que la victime avait été mutilée avant d'être assassinée. A partir de ce moment, la famille et des comités de soutien ont cherché à faire condamner les auteurs de ce crime. Un an plus tard, le témoignage d'un médecin belge confirmait la thèse selon laquelle Madeleine avait subi des sévices. Commence alors un long combat judiciaire.

Finalement, le 27 mars 2009, le tribunal de Rennes accorde un non lieu aux quatre officiers salvadoriens mis en cause pour l'assassinat et les actes de barbaries commis à l'encontre de Madeleine Lagadec. Il y a peu de chance que le dossier soit rouvert, à moins de voir le nouvel Etat en place au Salvador le demander.

Marie-Françoise Keramprant – CRBC - UBO / UBE Brest

Bibliographie

Steven Le Roy, "Assassinat au Salvador. Non-lieu devant la cour d'appel", Le Télégramme, 28 mars 2009.

Michel Tanneau, "Madeleine Lagadec : l'épilogue, vingt ans après", Ouest-France, 28 mars 2009.

Marie-Françoise Keramprant

Transcription

Fañch Broudic
Evid eur pennad amzer nemed ken e oa eet Madeleine Lagadeg da genta d'ar Salvador. Chomet eo eno beteg mervel. An dibab he-doa greet a oa beva e broiou Amerika ar Hreiz e-touez tud ha ne reont nemed goulenn yehed, peoh ha liberte. Lazet eo bet a-vad a daoliou fuzul gand soudarded ofisiel ar Salvador en eur ober he labour iñfirmierez en eun ospital.
M. Lagadec
Ni 'n-eus bet memestra enkrez atao eun tammig, med... peogwir e ouiom e oa eur vaouez a yee atao beteg penn he menoziou e ouiem 'vije ket gellet miret deuz outi da vond ! Hag en eur hiz e lavarom-ni e oa eüruz oh ober ar pez a ree. Lavaret a ree deom atao war he liziri oa eüruz. Eüruz 'touez an dud-se hag eüruz oh ober ar pez a ree.
Mme Lagadec
Poan em-eus bet eur pennad... Pa 'deus lavaret deom ne deufe ket endro 'm-eus paseet eur pennad kaled a-walh. Bon... marteze... hon merh eo ive kea 'm-oa c'hoant gwelet anezi ive, setu 'm-eus bet poan eur pennad. Med bremañ 'm-eus komprenet perag n'eo ket deuet endro. Peogwir 'doa lavaret deom ez afe d'ar gomañsamant, pa 'doa lavaret deom, edo daou vloaz e oa, hag eo chomet pelloh kea ! Bremañ 'm-eus komprenet anezi ive, perag he-doa c'hoant chom.
M. Lagadec
Me 'gav din mab-den pa hell ober ar pez e-neus c'hoant en e vuez dija zo eun dra gaer. Evel just deom-ni eo bet kaled kenañ. Kaled koll anezi med petra or bije greet ?
Fañch Broudic
Kavoud a ra deoh zo tud all a hellfe pe a dlefe ober evelti ?
M. Lagadec
Me 'zoñj ez-eus tud hag a zo, ya, prest da vond en he lerh du-hont, ya. Ya.