Al leur nevez e Menez kamm [Stage bretonnant à Menez Kamm]

Perzhidi ur staj aozet gant Al leur nevez a weler en abadenn. E 1964 e oa bet savet Al Leur nevez, ur gevredigezh diwanet eus Kevrenn ar yezh e Kendalc'h hag a oa he fal kas war-raok ar brezhoneg poblek. Anavezet e oa e brezidant Loeiz Roparz dre m'en doa ijinet dindan o stumm nevez, ar festoù-noz a raio berzh er bloavezhioù 70. E welet a reer abretoc'h en abadenn o lakaat ar stajidi da zañsal en ur ganañ ur gavotenn e kan-ha-diskan gant e vab Jefig. Meur a staj a voe aozet gant Al leur nevez e-pad an hañv, etre 1964 ha 1974 e Kreiz Breizh tro-dro da Sant-Herbot. Klasket e veze lakaat an nevez-vrezhonegerien da gejañ gant brezhonegerien a vihannik a rae c'hoazh gant ar yezh war ar pemdez. Amañ e weler stajidi o tebriñ merenn vihan e ti ul labourer-douar eus Motrev, goude ur frapad labour er parkeier. Displegañ a ra Yann-Ber Duval, sekretour yaouank Al Leur Nevez, pegen a-bouez eo evit ar re a zo o teskiñ brezhoneg gant al levrioù, gellout selaou ivez ar vrezhonegerien o deus desket brezhoneg war barlenn o mamm.

Lojet eo stajidi ar c'hamp e maner Menez Kamm e-kichen Speied, un ti a zo bet ul lec'h kreiz evit an emsav sevenadurel er bloavezhioù 70 hag a oa d'ar poent-se dalc'het gant ar c'houbladoù Baron ha Goasdoue. Du-hont eo e vo savet strollad Diaouled ar Menez hag e kano Youenn Gwernig war al leurenn evit ar wech kentañ. Paket vo Al Leur Nevez e birvilh ar bloavezhioù 70. Disemglev a savo un tamm er gevredigezh etre rummad ar re gozh, hag ar re yaouank a felle dezho mont war raok buanoc'h war dachenn ar stourm evit ar brezhoneg. Amañ e klever Mikael Madeg ha Youenn Bodenneg o tisplegañ emaint o soñj aozañ bremañ gwir stajoù war ar maez gant tud yaouank lojet e ti peizanted e bro Leon. Mab ul labourer-douar eus Plouider e oa Youenn, ha war lerc'h studioù uhel e Centrale e Pariz e kemero en dro atant e familh asambles gant ur breur dezhañ. Prezidant Diwan e vo e etre 1988 ha 1991 ur mare a-bouez. D'ar poent-se eo e tremeno ar gevredigezh dindan gevrat gant ar stad hag e vo digoret an eil-derez. Mikael Madeg a zo bremañ anavezet muioc'h e-giz skrivagner brezhonek, a aozo eñ, un tregont bennak a stajoù brezhoneg etre 1975 ha 1977 war ar maez e bro Leon.

E fin 1974 da heul devezhioù-studi o doa bodet izili yaouank Al leur nevez ha re Skol an Emsav e vo savet ur gevredigezh nevez gant stourmerien yaouank Al leur nevez : Brezhoneg yezh vev. Oberiant tre e vint e-pad un nebeut bloavezhioù war dachenn ar yezh, oc'h aozañ stajoù e bro Leon, met ivez e Kerne gant Mona Bouzec tro dro da Rieg, Dominig Jouve ha Sylvain Kernoa tro dro da b/Plougernevel. Evel just preder ar rummadoù da zont a oa gant ar stourmerien yaouank-se ivez hag e 1976, bloaz a-raok krouidigezh Diwan e vo aozet gant Brezhoneg yezh vev e Karaez ar c'hamp-vakañsoù divyezhek kentañ evit ar vugale dindan renerezh Yann-Ber Duval, ur c'hamp a gendalc'ho bloavezhioù war-lerc'h, kaset war-raok gant Andrev Cornec hag ar gevredigezh Ar Falz.

Soazig Daniellou - Kalanna

Version française

Les jeunes gens qu'on voit dans l'émission, participent à un stage d'Al Leur Nevez, une association issue de Kendalc'h (Kevrenn ar yezh) dont le but était de promouvoir le breton populaire. Son président était connu pour avoir réinventé sous leur forme moderne les fest-noz qui faisaient fureur dans les années 70. Au début du reportage on le voit faire danser les stagiaires en chantant une gavotte en kan ha diskan avec son fils Jefig. A cette époque des stages linguistiques d'été étaient organisés par Al Leur Nevez en Centre Bretagne, autour de Saint-Herbot. On cherchait à mettre les néo-bretonnants en contact avec les bretonnants de naissance qui utilisaient encore la langue au quotidien. Ici on voit des stagiaires partager une collation après des travaux agricoles chez un agriculteur de Motreff. Yann-Ber Duval, le jeune secrétaire d'Al Leur nevez explique combien il est important pour ceux qui ont appris le breton dans les livres de pouvoir écouter ceux qui l'ont appris naturellement avec leurs parents.

Les stagiaires sont logés à Menez kamm près de Spézet. Ce lieu qui a été central pour le mouvement culturel breton dans les années 70 était tenu à l'époque par les couples Baron et Goasdoue. C'est là que sera constitué le groupe Diaouled ar Menez et que Youenn Gwernig chantera pour la première fois sur scène. Al leur nevez sera emportée dans le tourbillon des années 70. Des différents opposeront dans l'association la génération des anciens et celle des jeunes qui souhaiteront être plus actifs dans le combat pour la langue bretonne. Mikael Madeg et Youenn Bodenneg expliquent ici qu'ils vont organiser les premiers véritables stages à la campagne avec des stagiaires logés chez des paysans du Léon. Youenn était fils d'un agriculteur de Plouider. Après de brillantes études à Centrale il choisira de reprendre avec son frère la ferme familiale. Il sera président de Diwan entre 1988 et 1991, période pendant laquelle l'association passera sous contrat d'association avec l'Etat et ouvrira son secondaire. Mikael Madeg est surtout connu aujourd'hui comme écrivain, auteur de nombreux romans en breton. Entre 1975 et 1977 il organisera et animera une trentaine de stages en milieu rural dans le Léon.

Au début de 1975, à la suite de journées d'étude qui regrouperont les jeunes membres d'Al leur nevez et ceux de Skol an Emsav, une nouvelle association verra le jour, scission de Al Leur Nevez : Brezhoneg yezh vev. Ses militants seront très actifs pendant quelques années, organisant des stages dans le Léon mais aussi en Cornouaille avec Mona Bouzeg à Riec sur Belon, Dominique Jouve et Sylvain Kernoa à Plouguernevel. Bien sûr le souci des générations futures habite ces jeunes militants et en 1976, un an avant la création de Diwan, la première colonie de vacances bilingue sera organisée par Brezhoneg yezh vev sous la direction de Yann-Bêr Duval. Ce camp sera par la suite animé pendant de nombreuses années par André Cornec sous le patronage d'Ar falz.

Soazig Daniellou - Kalanna