La Vieille Charité à Marseille

(Musique)

Journaliste
De qu’es acò , que quand èri jouine entendié parla Prouvençau,quand i’avié cent an entendié parla de lengo de tòutei lei païs.E que ‘m’ acò pièi degun n’entende plus parla.S’avès pas trouba, anan vous ajuda.

(Silence : titre La Caritat SVP)

Journaliste
De tout tèms, lei Prouvençau se soun imagina que lou chaumage avié uno soulucien, e qu’aquelo soulucien ié diesien Marsiho. Mai un còp que i’èron agu davala, se i’é retroubavon emé tout plen de pàuri mounde vengu de tòuti lei ribo de la mieterrano qu’avien agu la memo idèio.Alor, evidentamen, n’i’avié mai que se retroubavon à mendica qu’à travaia. E alor acò te metié pèr carriero, sus lei plaço, à la porto dei glèiso tout plen de mounde qu’èro pas trop poulit. Mai, enfin, acò èro la vido. Mai en 1660, Louis XIV, qu’èro rèi de Fraço e de Navarro mai pancaro de Marsiho, li venguè e’m’uno armado. Faguè un trau dins l’emparo e rintrè en vilo.Alor, pas besoun de te dire qu’aquel’ ome d’ordre, de vèire tout aquélei pàuri gènt, touto aquelo gusaio espeiandrado aqui, acò marcavo mau e fasié marrit efèt, e es pèr acò, qu’un còp tourna amoundaut, mandè l’ordre de leva tout aquéu mounde dòu mitan e es pèr acò que de garde, que ié disien lei « coucho-paure » cassavon lou paure mounde. Alor, aquélei qu’èron pas de la vilo, lei garcèron deforo, e aquélei qu’èron dei Marsihés de la bono, leis embarron dins l’espitau de La Caritat.E alor, evidentamen, aquél espitau fuguè lèu trop pichot e lou fauguè agrandi e es pèr acò qu’en 1671 lei conse demandèron à Pèire Puget de li n’en basti un nouvèu. Soucamen, emé li guerro dóu rèi de Franço que pèr la Prouvenço fuguè un desastre, emé la pesto que se li metè en 1720 e que la mita dei Marsihés n’en mouriguèron, aquel espitau generau de La Caritat fuguè acaba ren qu’en 1749. E,alor, aqui li metien de paure. Li metien 1200. Alor lei falié faire coucha à 4 pèr lié. Alor d’ome, de fremo, de jouine, de vièi, i’avié de tout aqui dedins. E, alor, li menavon à còp de nèrvi e en mai lei fasien gagna sa soupo. Leis ome fasien dei cordo pèr lei batèu, lei fremo courduravon de vièsti e lei richei famiho de marsiho que voulien de mounde à soun enterramen, e moustra sa generouseta lei pagavon pèr lei veni.Pèr 33 liéuro avien lei pichot de l’espitau e pèr 1000 liéuro avien touto La Caritat que venié segui soun enterramen.

(Chansoun)

Journaliste
Alor aquelo Caritat, lei Marsihés finiguèron pèr l’óublida. Que voues, uno prisoun pèr lei gus, acò flato pas trop lis iue ni la counciènci. Alor pamens, l’espitau de La Caritat, acò fai mai d’un eitaro au sòu, 5000 mètres carrat de téulisso, 10400 mètres carrat de surfàci abitable, un pàti de 80 m de long sus 45 de larg, e au mitan aquéu jouièu de capello baroco. Acò empacho pas qu’à la fin dóu siecle passa, n’avièn fa uno presoun.Pendènt la proumiero guerro moundialo, n’en fèron uno caserno.Alor bon un còp, bon en tout, un còp bon en ren, à la fin li metèron de refugià que venien de tóuti li païs.Alor aqui se li parlavo plus lou Prouvençau. D’un coustat entendiés de Tur, d’un autre de Grè, de l’autre de Napoulitan, en fin èro l’espitau de Babel. E à la fin, i’aguè de squatter que acabèro de l’internaciounalisa coupletamen.Alor déjà que l’endré avié pas trop bono reputacien, aqui fuguè marridasso.

Chansoun

Journaliste
100 an à l’abandoun, 100 an refùgi deis abandouna, à la fin lei muraio tambèn s’abandounèron e la malautié de n’en rouiga lei pèiro.Mai, i’a pièi pas tant de mounumen ancian à Marsiho que se posque leissa toumba lou pau que n’en resto. E tre 1949 coumencèron de li tourna pensa. En 1950, pièi, Lou Corbusier s’interessè à-n’aqueste ensèn. Mai es ren qu’en 1973 que i’aguè un plan de savetàgi de l’ensèn.Alor, coumencèron la restauracioun pèr la capello, mai subretout i’aguè uno poulitico de reanimacioun de La Vièio Caritat.E, es pèr acò qu’avèn encuèi eici l’Escolo deis Àutis Estùdi en Sciènci Soucialo, lou Centre d’Etnoulougìo franceso, e l’Istitut Naciounau de l’Audiovisuau que soun istala dins l’alo dóu tremount.Mai, es que se li tournara parla Prouvençau ?

Henri DUMOLIE
Ma foi peut-être, je dis c'est possible. Mais ce qui me semble être le plus important, c'est que la vidéothèque régionale ici est une mémoire de la région. Donc de toute façon, elle, elle va pouvoir restituer ce qui a déjà été parlé en provençal, et que l'on a conservé, mais aussi elle va pouvoir conserver et diffuser ce qui va être produit en provençal.Et on peut penser que maintenant, on produira encore beaucoup plus qu'avant. Et d'ailleurs dès maintenant, nous avons des émissions que nous commençons à engranger, qui sont en provençal. Un exemple est le suivant.

Animatrice
L'animatrice parle en provençal

(Musique)

Journaliste
Fau faire lou vot que lou maridàgi dóu passat e dóu presènt siegue tant urous eici coume voues de la musico « Montjoio e Matias » mounte lei estrumen ancian sabon espousa lei sounourita mouderno.De segur, lou passat d’aqueste lue èro d’empresouna lou paure mounde. Mai es justamen acò que fau inversa e que la culturo restesse pas empresounado entre aquéli muraio, mai au countràri que La Caritat l’espandigue de tóutei sei rai.

(Musique)