Yann Ber Kalloc'h [Jean-Pierre Calloc'h]

13 mai 2000
02m 39s
Réf. 01002

Notice

Résumé :

Le poète breton Jean-Pierre Calloc'h a été tué sur le front en 1917, au cours de la Première Guerre mondiale. Cet extrait, tiré du documentaire réalisé par Roland Michon pour Kalanna, relate les derniers mois de sa vie, depuis l'école des sous-officiers de Saint-Maixent jusque sa mort à Urvillers (Aisne).

Type de média :
Date de diffusion :
13 mai 2000
Date d'événement :
10 avril 1917
Source :
FR3 (Collection: Du man du se )
Langue :
Breton

Éclairage

Yann-Bêr Kalloc’h a oa ganet e 1888 war enez Groe. E dad, pesketour, a varvas e 1902 hag e vamm a chomas intañvez gant pevar a vugale. Abred e welas beleien an enezenn pegen lemm a spered e oa ar paotrig, ha kaset e voe da gloerdi bihan Santez-Anna-Wened. E 1905, goude ar vachelouriezh, e talc’h e kloerdi bras Gwened gant ar soñj dont da vout beleg ; ar pezh na vo ket asantet dezhañ gant an Iliz abalamour d’e yec’hed. Pa grog ar brezel n’en deus dibabet hent ebet da vat ; gounit a ra e vuhez evel evezhiour, mestr-skoazellour e skolioù er-maez a Vreizh (Reims, Pariz).
E 1914 eo anavet an den yaouank en emsav katolik breizhek ; darempredet en deus – paneveken nemet dre lizher – tud brudet evel Loth, ar Govig, ar Braz… Emzesket-mat eo war danvez Breizh hag ar broioù keltiek ; soñjoù en deus evit dazont an Emsav hag ar brezhoneg. Dornet eo da skrivañ ha stank e kinnig pennadoù da veur a gazetenn, dindan an anv Bleimor : Dihunamb, Kroaz ar Vretoned, Kloc’hdi Breizh, Le Pays breton… Gant an Diberder e sav Brittia, ur gelaouennig viziek. Barzhonegoù a skriv ivez, awenet get e spered relijiel, Breizh, e enezenn. Ur c’helc’hiadig mignoned a wel dija ennañ danvez ur mestr skrivagnour hag ur penn meur evit emsav sevenadurel Breizh da zont.
N’eo ket e buhez ar soudard Kalloc’h en em gav orin e vrud. Heñvel eo bet e bemdez – hag e varv zoken – doc’h hini miliadoù re all ; berr eo e destoni brezel : un nebeud notennoù (Ar henteu er brezel), un dornadig lizhiri. E bluenn barzh – ar vrud tapet get Kartér-noz ér hléieu abalamour da bennadoù René Bazin er gazetenn L’Écho de Paris, e 1917 - hag an implij graet ag e skridoù goude e varv eo a savo anezhañ dreist ar re all.
Gwir eo ar pezh a lavare Loeiz Herrieu e 1923 : « Bleimor a vev muioc’h a-c’houde mad eo marv ». Brud ar barzh a zalc’h da greskiñ goude ar brezel. E 1919 eo kizellet e anv er Panthéon evel unan a skrivagnerion Frañs marvet evit ar vro ; e 1921 ez embanner Àr en deulin, e zastumad barzhonegoù ha degas a reer d’e vamm ar vedalenn a enor bet roet dezhañ goude e varv ; e 1923 e tegaser e relegoù da vered Groe ; bloaz goude e saver ur bez kaer dezhañ. Bep tro e vez kaoz eus aberzh ar barzh breton en deus roet e vuhez evit Frañs.

TES – Ti-embann ar skolioù – www.tes.bzh

Version française

Jean-Pierre Calloc’h est né à l’île de Groix en 1888. Son père, pêcheur, meurt en 1902 et sa mère reste veuve avec quatre enfants. Les prêtres de l’île remarquent rapidement l'intelligence du jeune garçon et l’envoient au petit séminaire de Sainte-Anne-d’Auray. En 1905, après le baccalauréat, il fréquente le grand séminaire de Vannes pour devenir prêtre, mais il ne pourra pas accéder à la prêtrise. Quand la guerre éclate, il n’a pas encore trouvé sa voie et gagne sa vie comme surveillant ou répétiteur dans des collèges à Reims et Paris.
En 1914, le jeune homme s’est fait un nom dans le mouvement catholique breton. Il fréquente – ne serait-ce que par correspondance – des personnalités, comme Loth, Le Goffic, Le Braz… Il s’instruit sur la matière de Bretagne et sur les pays celtiques, et a ses propres idées sur l’avenir du mouvement breton et de la langue bretonne. Il fait preuve d'un talent d'écriture certain et propose de nombreux articles aux journaux, sous le nom de plume Bleimor : Dihunamb, Kroaz ar Vretoned, Kloc’hdi Breizh, Le Pays breton… Il fonde une petite revue mensuelle, Brittia, avec son ami Le Diberder. Il compose aussi des poèmes inspirés par la religion, la Bretagne, son île. Un petit cercle d’amis voit déjà en lui un futur grand écrivain et un leader pour le mouvement culturel en devenir.
Ce n’est pas dans la vie du soldat Calloc’h que se trouve l’origine de sa renommée. Son quotidien et  sa mort ressemblent à ceux de milliers d’autres, son témoignage sur la guerre est mince : quelques notes (Àr henteu er brezel) et quelques lettres. C’est son inspiration poétique – le succès rencontré avec Kartér-noz ér hléieu à la suite d’articles de René Bazin dans la revue L’Écho de Paris, en 1917 – et la diffusion de ses écrits après sa mort qui en feront un écrivain de premier rang.
Ce que disait Loeiz Herrieu en 1923 est juste : « Bleimor vit davantage depuis qu’il est mort. » Le succès du poète continuera à croître après la guerre. Son nom est gravé au Panthéon en 1919 en tant qu’écrivain français mort pour la France. En 1921 est publié Àr en deulin, son recueil de poèmes. On remet à sa mère la légion d’honneur à titre posthume et en 1923 on ramène sa dépouille au cimetière de l’île de Groix. Un an plus tard, on lui élève une belle sépulture. On mentionne à chaque fois le sacrifice du poète breton qui a donné sa vie pour la France. 

TES – Ti-embann ar skolioù – www.tes.bzh

Transcription

Kazetenner
D'ar 25 a viz Ebrel emañ soudard àr droad en eil rejimant ha tri-ugent ag an Oriant. Ha neuze, setu eñ ofisour àr hentoù ar brezel.
(Trouzioù)
Lenner
Ma faotred a zo Kerneviz holl. Tud a galon, labourerion start. Ur joe eo din bout degouezhet e-touesk mam breudeur a Vreizh-Izel a c'hellan komz brezhoneg doc'hte bemdeiz. Hiriv e welan, get man daoulagad-me, nend eo ket gaou ar pezh a lavarer anezhe dre ar Bed-holl. Kaoured int, ma faotred, gwir vibion d’ar varc'hegerion-hont a leske bro ha tud, a sailhe àr o jav hag ah ae da vervel d’ar Groaziadeg.
(Trouzioù)
Kazetenner
Ha setu kroget evitañ stagellad an darvoudoùigoù a verch buhez ur soudard : chañchamant kornad, chañchamant rejimant, chañchamant grad, permision re verr. E-pad ur bermision anezhe e fiz dornskrid « Àr en deulin » en e geneil Mokaer betek-gouzout ne zeufe ket en-dro.
(Sonerezh)
Kazetenner
Yen-sklas eo an amzer àr dalbenn ar Somme e Genver 1917. ’Met 30 derez e ra, kleriñ a ra freg ar soudarded pa zizouront, ha skorniñ a ra ar c'hwez àr gein o roñsed.
Lenner
Man Doué, man Doué, me zo ar gedour en e unan, Mam bro a fiz ennon ha me ned on 'met pri : Daskorit din heneoazh, an nerzh a c'houlennan ; En em erbediñ e ran Deoc'h ha d’ho Mamm Mari.
Kazetenner
D'ar Meurzh 10 a viz Ebrel 1917 e koad Urvillers e-kostez Saint-Quentin emañ skoet Kalloc'h d'un tamm obuz hag emañ lazhet àr an tach. Ne oa ket c'hoazh 29 blez. Setu ar pezh a skrive en ur lizher d'e vignon Diberder :
Lenner
Skrivañ a ran deoc'h a sol ur c'hoad a gouezh ar melloù dir a-barzh ken puilh èl glav. Marse eh eus du-hont, pell, o ken pell, kêrioù ha tier ha oaledoù. Amañ, ne ouiomp ket, ne soñjomp ket mui. Trugarez Doue, nerzh hon eus atav d'en em stlejal ha da c'hoarzhet àr hon truegezh. Kenavo Iwan, lous eo ar brezel, setu.